Азербайжанда төрт киши ар түрдүү мөөнөткө түрмөгө кесилди

Сот аларды былтыр 3-июнда Бакуга жакын жердеги Нардаран кыштагындагы тополоңду уюштурган деп айыпка жыкты. Нардаранда өкмөткө каршы ураан алдында өткөрүлгөн митингди полиция кууп-таркаткан,кагылыш учурунда бир киши набыт кетип, 30дай адам жарадар болгон. Кыштактын ондогон тургундары камалган. Эл аралык укук коргоочу уюмдар соттун бүгүнкү чечимин саясий жүйөөдөгү өкүм деп аташты.


Кечки жаңылыктар топтомун даярдаган - Эсенбай НУРУШЕВ, Прага