Израиль аскерлери палестиндердин Тулкарем шаарында жүздөгөн кишилерди кармап кеткендиги кабарланууда. Мурдараак шаарга танктар менен согуштук тикучмалардын колдоосу алдында киргизилген жөөт аскерлери Тулкаремде коменданттык саат жарыялашкан. Соңку маалыматтар боюнча, согушкерлер деген шек менен кармалган жүздөгөн кишилердин жетөө бир нече сааттан кийин бошотулган. Тель-Авив - бул операция өткөн дем алыш күнү Израилдин Нетанья шаарында 30дай адамды жарадар кылган палестин жанкечтисинин жардыруусунан улам уюшулганын айтат.
