Эмдиги жылы НАТОго кошулууга чакыруу алган 7 өлкөнүн премьер-министрлери Бухарестте чогулушат. Румын бийлигинин өкүлдөрү маалымдагандай, Эстония, Латвия, Литва, Словакия, Болгария, Румыния жана Словениянын өкмөт башчылары жума күнкү жыйынында "Евроатлантикалык аймактын коопсуздугу алдындагы жаңы коркунучтардын шартында НАТОну трансформациялоо" маселесин талкуулашат. Өткөн аптада Канада, – НАТОго мүчө-өлкөлөр ичинен биринчи болуп, - жети талапкер-өлкөнү альянска кабыл алуу жөнүндөгү документти ратификациялаган.
