Бүгүн журналисттерге жасаган билдирүүсүндө президент Владимир Путин Орусия менен Американын ортосунда кол койулган келишимдин ратификацияланышы үчүн парламенттин эки палатасы менен тең иш жүргүзө тургандыгын билдирди. Путиндин айтымында, Ирак маселесиндеги пикир келишпестиктер, келишимдин ратификацияланышы үчүн жагымсыз жагдай түздү, бирок анын өкмөтү келишимдин ишке ашырылышын дагы эле каалайт. Орусиянын Мамдумасы келишимди март айында эле талкууламак, бирок АКШнын Ирактагы согушуна байланыштуу маселени кароону кийинкиге калтырган.
