3 күндүк сапары учурунда ал Тажикстандын президенти Эмомали Рахмонов менен жолугуп, эртең Душанбеде эки өлкөнүн өкмөттүк делегацияларынын кеңейтилген жыйыны өтөт. Душанбелик маалымат каражаттары кабарлагандай, жыйындын соңунда биргелешкен коммюнике кабыл алынып, Украина менен Тажикстандын ортосунда маалымат жаатындагы, о.э. баңгиконтрабандасына каршы күрөштөгү кызматташтык тууралуу макулдашууларга кол коюлат. Андан тышкары Украина менен Тажикстандын саламаттыкты сактоо, билим берүү министрликтери, улуттук банктары ортосундагы байланыштар бекемделет.
