АКШнын Баграмдагы аба базасында өткөн маалымат жыйынында америкалык командачылыктын өкүлү Дуглас Лефорж Ооганстандын Пакистан менен чектеш аймагындагы Шкин калаасынын четиндеги үйгө кулап түшкөн бомбадан 11 карапайым ооган апат болуп, дагы бир нече адам жараат алганын маалымдады. "Терең кайгылуу окуяларга алып келген бомбалоо - өткөн түнү ушул тараптагы Ооганстандын армиясынын кайгуул жайын белгисиз адамдар аткылагандан кийин аларды таап-жок кылуу операциясына абадан колдоо көрсөтүү максатын көздөгөн", - деп белгиледи АКШ аскерлеринин өкүлү.
Ооганстанда АКШ баштаган коалициялык күчтөрдүн бомбалоосунан 11 карапайым ооган жараны набыт болду
