Эл аралык уюм Багдаддагы башаламандыктан, андан улам өз кызматкерлеринин өмүрүнүн коопсуздугунан чочулап, Ирактын башкалаасындагы ишмердигин убактылуу токтотконун жарыялады. Кечээ Кызыл чырым коомунун машинеси чак түштө ок жапырыгына туш болуп, уюмдун бир кызматкери жараат алган. Уюмдун басма сөз өкүлү Мойн Кассис Кызыл чырым коому Багдадды таштап кетпейт, шаарда тартип орной баштаар замат, багдаддыктарга жардам көрсөтүү иштерин улантат, деп белгиледи.
