Мунай экспорттогон өлкөлөр уюму, же ОПЕКтин президенти Иракта кайрадан ири көлөмдө мунай өндүрүлө баштаса, күнүнө ансыз да 2 млн баррель чийки мунай ашыкча чыгарылып аткан чакта дүйнөлүк базар кризиске учурап, мунайдын баасы болуп көрбөгөндөй төмөндөп кетет деп эскертти. Абдулла Ал-Аттья дүйнөлүк керектөөдөн тышкаркы ашыкча мунайдын көлөмү анда азыркыдан эки эсеге көбөйөт деп эсептейт. Кечээ АКШнын коргоо министри жыл аягында Иракта күнүнө 3 млн баррелге чейин мунай өндүрүлө башташы мүмкүн деп айткан болчу.
