11-апрелде эртең менен Орусиянын Северобайкальск шаарындагы балдар үйүндө өрт чыкты. Эч ким каза болгон жок жана үйдөгү 13 бала менен эки мугалим өрттөн аман-эсен куткарылды. 7-апрелде Якутиядагы мектепте өрт болуп, 22 бала отко күйүп өлгөн, 10-апрелде болсо Дагестандагы дүлөйлөр интернатында дагы өрт чыгып, анын 28 окуучусу да күйүп өлгөн. Премьер-министр Михаил Касьянов кечээ күнү өлкөнүн бардык мектептериндеги өрт өчүрүү системаларын текшерип, оңдоп чыгууга буйрук берди.
