Ирактын Бириккен Улуттардагы өкүлү Мухаммед ад-Дури 10-апрел күнү Нью-Йорк шаарында баш катчы Кофи Аннан менен жолугуп сүйлөштү, бирок жолугушуудан кийин журналисттерге эмне маселелер талкууланганын айтуудан баш тартты. 9-апрелде америкалык аскерлер Багдадды басып алганда ад-Дури иш бүттү деп жарыялаган. Ошол эле күнү "Ассошиейтед пресс" агенттигинин кабарчысы менен маектешип, элчи Бириккен Улуттардагы ишин уланта берээрин билдирген.
