Багдад шаарынын жүздөгөн тургуну 11-апрелде Ирактын аскерий чалгындоо кызматынын баш ордосуна чабуул коюп кирди. Алардын айтымында, имараттын жертөлөлөрүндө саясий туткундар жатышы мүмкүн жана бир нече күндөн бери алар тамак-ашсыз калган. Шаарды көзөмөлдөгөн америкалык аскерлер саясий туткундардын туугандарына жардамдашып, имаратка танк жана чопкут машинелерди киргизди.
