Пентагондогу пресс-конференцияда коргоо мекемесинин башчысы Дональд Рамсфелд коалициялык күчтөр Ирактагы коопсуздукту камсыз кылуу үчүн өз жоопкерчилигин сезет,алар көптөгөн аймактарды күзөтүп, каракчылык менен кара талаанды токтотконго күч үрөп жаткандыгын билдирди. Рамсфелд кан талакейге байланыштуу бир нече киши кармалгандыгын кошумчалады. Ошол учурда ал коалициялык күчтөр полициялык милдеттерди өзүнө алгысы келбей тургандыгын да белгилеп, Ирактагы бүлгүндү полициялык режимден эркиндикке өтүүнүн өткөөл кезеңи деп сыпаттады. Акыркы маалыматтарда Багдадда ООНдун кеңсеси каракталганы айтылууда. Атап айтканда,миссиянын компьютерлери, 30дай автомашинасы уурдалып кеткен.
