Дүйнөнүн эң өнүккөн жети мамлекетинин борбордук банк төрагалары менен каржы министрлеринин Вашингтон шаарында 11-апрелде башталган жыйыны уланууда. Дүйнөлүк экономиканын абалынан тышкары, финансы лидерлери Иракка жардам көрсөтүү маселелерин да кароодо. АКШ жетекчилигинин айтымында, 10 жылдын ичинде Иракка 600 миллиард доллар өлчөмүндө жардам көрсөтүлүүгө тийиш. Жыйындын кээ бир отурумдарына орусиялык өкүлдөр да катышып жатат. 12-апрелде Вошингтондо Дүйнөлүк банк менен Эл аралык валюта корунун дагы эки күндүк биргелешкен жыйыны башталды.
