ЖАЛАЛАБАД. Бүгүн облустук администрациянын басма сөз катчысы Орозалы Карасартов журналисттердин жыйыны болуп, алардын коомдук фонду уюшулгандыгын билдирди. Жыйынга 50 журналист катышып, фонддун төрайымдыгына көз карандысыз «Бактынур» сыналгысынын башчысы Нуркан Койчуманова, текшерүү комиссия жетекчилигине мугалимдердин облустук «Дил» аттуу гезитинин редактору Жоробек Бечелов шайланды. Фонддун уставы менен мүчөлүк акылары белгиленди. Коомдук фонддун максаты - облустагы бардык журналисттердин укугун коргоо, зарыл учурда аларга материалдык колдоо көрсөтүү, тажрыйба алмашуу, жаш калемгилерди тарбиялоо болуп саналат.
