Автокырсыктан кеминде 23 адам өлүп, 30тай киши жаракат алды. Жекшембиде Афина–Салоники автотрассасында окуучуларды салып келе жаткан автобус, жүк ташуучу машина жана дагы эки автомобиль кагылышкан. Жабыр тарткандардын көпчүлүгү мектеп окуучулары. Грекиянын премьер- министри Костас Симитис курман болгондордун үй-бүлөлөрүнө көңүл айтып, тиешелүү кызматтарга кырсыктын себептерин кылдат иликтөөнү тапшырды.
