БИШКЕК. «Кечээ-бүгүн Кыргызстанда болгон сууктан мөмө берчү дарактардын ичинен өрүк өзгөчө жабыр тартты. Анткени өрүк кадимкидей гүлдөп калган. Ал эми алма, алча жана башка мөмөлүү дарактар гүлдөй элек болгондуктан, алар олуттуу зыянга учураган жок», - деп билдирди бүгүн Айыл, суу чарба жана кайра иштетүүчү өнөр жай министрлигинин адиси Аскарбек Сагынбаев. «Түштүк тарапта Кадамжай, Лейлек райондорунда кар жаады. Бул райондорго келтирилген зыян иликтенүүдө. Ал эми дан эгиндери зыянга учураган жок», деди А.Сагынбаев.
