Түркиянын премъер –министри Режеп Тайып Эрдоган Анкарада ишкерлердин алдында сүйлөгөн сөзүндө Түркия региондогу жалгыз демократиялык мусулман өлкө катары Иракка жакшы өрнөк боло ала турганын билдирди. Ошону менен катар Эрдоган Түркия түштүк ыптасындагы кошунасы Иракка эң арзан жабдууларды, унаа каражаттарын жана башка материалдарды сунуш кыла ала турганын баса белгиледи. 1991-жылкы согушка чейин Түркия Ирактын эң жакын соода өнөгү болгон. Анкара Иракка киргизилген экономикалык санкциялардан улам түрк экономикасы миллиарддаган доллар кирешеден куру калганын айтып келет.
