Кыргызстанда улуттук айыл чарба каттоосунун экинчи этабы 2003-жылдын 1-ноябрынан 15-ноябрына чейин жүргүзүлөт. Кыргыз өкмөтүнүн буга байланыштуу кабыл алган токтомуна ылайык бул ирет айыл чарбасындагы мамлекеттик жана жамааттык чарбалар каттоого алынат. Алардын тутумуна окуу жайларга, өнөр жай, транспорт, курулуш жана башка ишкана-уюмдарга караштуу чарбалар, ошондой эле фермердик жана үй чарбалары кирет. Бул тууралуу ишембиде өкмөттүн маалымат кызматы билдирди.
