Дүйшөмбүдө "Нью-Йорк таймс" гезити Вашингтон болочок ирак өкмөтү менен америкалык аскерлерди ал жакта узакка калтыруу маселесин талкуулайт деп жазып чыккан. Доналд Рамсфелд гезиттин бул жазгандары "Америка Иракты басып алды" деген пикирди гана күчөтөт, бул маалымат жалган деп белгиледи. "Азыр Иракта Американын 4 аскерий базасы бар, алар ирактыктарга гуманитардык жардам жеткирип-таратуу, коопсуздукту күчөтүү иштерин аркалап жатат жана мындан ары да ошол максатты гана көздөшөт. Алар узак убакыт калышы мүмкүнбү деген суроого жок, андай болбойт деп жооп берем", - деди Пентагондун башчысы.
АКШнын коргоо министри америкалык аскерлер Иракта узак убакытка калтырылбайт деп билдирди
