24-апрелде Бириккен Улуттардын баш катчысы Кофи Аннан Женева шаарында чыгып сүйлөп, АКШ менен Британияны кыйыр түрдө сынга алды: "Коопсуздук Кеңешинин жактыруусун албастан согуш баштоо боюнча чечим кабыл алуу - бир топ пикир келишпестикти жаратты жана эгер биз мындан ары жигердүү иштешүүнү кааласак, тил табышып, бир пикирге келүүгө тийишпиз. Бул жалаң эле Ирак маселеси менен байланыштуу эмес". Аннандын айтымында, АКШ жетекчилиги эл аралык мыйзамдардын чегинде аракеттенүүгө тийиш.
