Буга байланыштуу Кошмо Штаттардын мамлекеттик катчысы Колин Пауэлл Америка, же анын союздаштары Түндүк Кореяны курал-жарагын силкип коркуткан жери жок деп эскертти. "Бээжинде өткөн 3 тараптуу жолугушуу аяктап калды. Ага катышкан делегациялар мекенине кайтып барып, уккан-билгендерин айтып, көтөрүлгөн сунуштар кылдат таразаланган соң, бул багытта жасалчу кийинки кадамдар аныкталат", - деди Пауэлл. Пхеньяндык Борбордук жаңылыктар агенттиги бейшембиде АКШны Түндүк Кореяга карата касташуу саясатын күчөтүүдө деп айыптады.