АКШнын расмий өкүлдөрү жума күнү Ирактын түндүгүндөгү мунай кени кайрадан ишке киришкенин жарыялашты. Иракты калыбына келтирүү жана гуманитардык жардамды тейлөө боюнча америкалык офистин өкүлү Кларк Тернер маалымдагандай, Киркук шаарынын жанындагы Жамбур кенинен өндүрүлгөн мунай бүт бойдон Ирактагы электрстанцияларга жөнөтүлдү. Мурдараак өлкөнүн түштүк бөлүгүндөгү мунай кени иштей баштаган, америкалык тараптын айтымында, азыр Иракта чыгарылып жаткан орто эсеп менен күнүнө 235 миң баррелге чейинки мунай өлкөнүн ички керектөөсүнүн басымдуу бөлүгүн жаба алат.
