БИШКЕК. 6-майда Ош шаарында Борбор Азиялык 2-экономикалык форум өтөт. Форум экономикалык интеграция жараянын өркүндөтүүгө байланышкан маселелерди талкуулап, ага Казакстан, Өзбекстан, Түркмөнстан, Тажикстан мамлекеттеринин өкмөттүк делегациялары катышмакчы. Андан тышкары экономикалык форумга АКШнын каржы министринин орунбасары Жон Тейлордун келиши күтүлүүдө. Кыргыз өкмөтүнүн маалымат кызматынын кабарлашынча, премьер-министр Николай Танаев жетектеген уюштуруу комитети учурда 200 делегат катышаарын айтып, экономикалык форумга кызуу даярдык көрүлүүдө.
