Ооганстанда мина жарылып, эки киши набыт болду

Жүргүнчүлөрдү ташып бараткан машина жарылганда, дагы 30 чакты киши жараат алды. Кырсык Мазари Шарифтен 50 чакырымдай аралыкта болду.
Мина демекчи, Кошмо Штаттары кечээ Иракты минадан арылтуу программасын баштады. Мамдепартаментке ылайык, 25 миллион доллар сарпталып, үч жылга созулуучу программада чукул аракеттенүүчү аскер жайгаштыруу жана ирактык мина тазалоочу адистерди машыктыруу каралган. Анда ошондой эле балдарды жана качкындарды минадан сактанууга окутуу жүргүзүлөт.