БИШКЕК. Кыргызстандагы коррупцияга каршы күрөшүү максатында түзүлгөн Акыйкаттуу башкаруучулардын улуттук кеңешинин жобосунун долбоору кайра толуктоого жөнөтүлдү. Мындай чечим кеңештин кечээ өткөн алгачкы отурумунда кабылданды. Отурумда айтылган маалыматка караганда, кеңештин алдында иштөөчү атайын агенттик түзүлөт. Ал эки багытта иш жүргүзөт, тактап айтканда, экономикадагы жана тартип коргоо органдарындагы коррупциянын себептерин аныктап, ага каршы ырааттуу күрөштү координациялайт.
