Бүгүн Киев шаарында Украина президенти Леонид Кучма менен жолукканда, орус президенти Владимир Путин - Иракты кайра куруудан тышкары, эл аралык коомчулук дүйнөлүк жаңы тартип тууралуу макулдашууга тийиш деп жарыялады. Анын айтымында, эл аралык коопсуздуктун жаңы, кылдат системасы түзүлүүгө тийиш. Андан тышкары Путин - Ирактын Орусияга болгон карызын кыскартуу же андан кечүү маселеси "Париж клубунун" алкагында чечилүүгө тийиш деп билдирди.
