Европадагы өнүгүү жана кайра куруу банкынын жылдык жыйыны дүйшөмбү күнү аяктады. Банктын өкүлдөрү белгилегендей, Борбор Азия өлкөлөрүндө экономикалык реформалар жай жүрүүдө. Чөлкөмдө экономика менен соода-сатыкта мамлекеттик көзөмөл күчтүү, сот тармагынын көз карандылыгы жана коррупция инвестициялык чөйрөнүн оңолушуна жолтоо болууда. Ал эми Өзбекстандык укук коргоочулар ЕӨКБны жыйында адам укуктары маселесине көңүл бурбаганы үчүн сынга алды.
