Бүгүн ООНдун коопсуздук кеңешине Иракка байланыштуу жаңы резолюция сунуш кылынды

Кошмо Штаттары талкууга коюп жаткан документте Иракка каршы жарыяланган экономикалык бардык санкцияларды алып салуу каралат, өлкөнү бери эле дегенде бир жыл башкарганга АКШ менен Британиянын укугу тастыкталат. Долбоордо ошондой эле ООНдун Ирактагы конструктивдүү ролу белгиленген, ал эми массалык кыргын салуучу куралдарды издөө иштерин ООНдун инспекторлору эмес, америкалык адистер жүргүзө тургандыгы айтылган. Жакынкы күндөрдө Пентагон Иракка эки миңдей аскери эксперттерин жөнөткөнү жатат.