Бул жерде Колин Пауэлл Израилдин премьери Ариэл Шарон менен жолугат, андан соң Раммалада палестин автономиясынын кабинет башчысы Махмуд Аббас менен сүйлөшүүлөрдү өткөрөт. Вашингтондон жөнөп жатып Пауэлл Багдаддагы режим кулап, палестин кабинетинин премьери дайындалган соң стратегиялык жаңы кырдаал түзүлгөнүн белгиледи жана бул мүмкүнчүлүк колдон чыгып кетсе, абдан өкүткө салган иш болот эле деп билдирди. Эмдиги аптада Пауэлл Египетте, Иорданияда, Сауд Арапстанда жана Россияда болот.
