Бишкекте ысык суу токтойт

БИШКЕК. Келаткан дүйшөмбүдөн тартып Бишкек шаарында ысык суу токтойт. Бул тууралуу бүгүн «Азаттыкка» Бишкек мэриясынын басма сөз катчысы Данияр Шабданов кабарлады. Анын айтымында, Бишкек ТЭЦиндеги ремонттоо иштерине байланыштуу борбор шаарга ысык суу берүү 15-июнга чейин токтотулат. Мындай маалыматты Бишкек ТЭЦинен да бышыкташты.