Москвада НАТО-Орусия Кеңешинин жыйыны өтөт

Орусияда алгачкы ирет өтүп жаткан бүгүнкү жыйынга НАТОнун башкатчысы Жорж Робертсон төрагалык кылат. Түндүк Антлантикалык альянстын чечим кабыл алуу жараянына Москваны аралаштыруу үчүн НАТО –Орусия Кеңеши былтыр июль айында негизделген. Жыйында Орусия -НАТО кызматташтыгына, Европанын коопсуздугуна, Ирактагы жана Ооганстандагы кырдаалга байланышкан маселелер талкууланары күтүлүүдө. НАТОнун
башкатчысы Жорж Робертсон Москвада орус тышкы иштер министри Игорь Иванов, коргоо министри Сергей Иванов менен да сүйлөшүүлөрдү өткөрөт.