ЖАЛАЛАБАД. Бүгүн Майлысуу шаарында өлкөнүн Аскердик соту Аксы окуясында жабыркагандар менен ага байланыштуу соттолгон адамдардын апелляциялык арыздарын карай баштады. Соттун төрагасы Бакытбек Батырбаев кылмыш ишин кароого жабырлануучулар келишпегенин, бирок соттолуучулар менен алардын адвокаттары жана коомдук жактоочулары, күбөлөр катышып жатышканын билдирди. Сот мамлекеттик айыптоочуларга жабырлануучулардын келишин камсыз кылууну милдеттендирди.
