Таиландда интернет аркылуу АКШлык компаниялардын эсебине кол салып, баш-аягы 100 млн доллардан ашуун акча уурдаган украиналык жигит камакка алынды. Таиланддын бийликтери интернет каракчысын Максим Высочанский деген ысым алдында колго түшүрсө, Бангкоктогу америкалык элчилик уурунун нагыз ысымы Максим Ковальчук экенин билдирди. Украинанын жараны америкалык миңдеген компьютердик программаларга кол салган, андан сырткары интернет аркылуу акча уурдоонун жаңы түрүн ойлоп тапкан деп шектелүүдө.
