БИШКЕК. Бүгүн Бишкекте «Акыйкатчы жөнүндөгү» мыйзамды жакшыртууга байланыштуу Европадагы Коопсуздук жана Кызматташтык Уюмунун Бишкектеги өкүлчүлүгү тарабынан уюштурулган «тегерек стол» жыйыны болду. Анда бул мыйзамды башка мыйзамдар менен шайкеш келтирүү жана өркүндөтүү маселеси талкууланып, анын жыйынтыгында бул ишти улантыш үчүн окумуштуу-юристтерден, коомчулук өкүлдөрүнөн турган эксперттик топ түзүү чечими кабыл алынды.