Ирактын америкалык убактылуу башкаруучусу Пол Бремердин айтымында, июндун башына белгиленген конференция Иракта июл айында өткөрүлөт. Ал конференцияга Ирактын саясий күчтөрүнүн өкүлдөрү чогулуп, өлкөнүн убактылуу өкмөтүн түзмөк. Ишемби күндөн тартып болсо, Ирактын мамлекеттик ишканаларынын кызматкерлерине маяна төлөнө баштайт. Андан тышкары, Өзөктүк кубат боюнча эл аралык агенттиктин адистерин Иракка кайтарып келүү маселеси да каралууда.
