Вашингтондун айтымында, Түндүк Кореянын акыркы мезгилдеги саясатын жана өзгөчө анын опузаларын Америка Кошмо Штаттары кабыл албайт. Президент Жорж Буштун басма сөз катчысы Ари Флейшердин айтымында, өзүнүн өзөктүк программаларын кайра жандантуу менен Пхеньян АКШны жана өзүнүн кошуна мамлекеттерин опузалап, алардан кошумча экономикалык жардам жана саясий жеңилдиктерди алам деп ойлогон, бирок ал катуу жаңылышат. 23-май күнү Буш Жапаниянын премьер-министри Дзюнитиро Коидзуми менен жолугуп, Түндүк Корея маселесин талкуулайт.
