БИШКЕК. «Милиция кызматкерлеринин айлык акылары жыл башынан бери 50% көбөйтүлгөн менен, алардын маянасы өз убагында берилбей жатат. Карыздардын көлөмү 32 млн. сомдон ашты. Финансы министрлиги бул сумманы ИИМге которууну кечиктирип атат», - деп билдирди кечээ ички иштер министри Бакирдин Субанбеков. Министрдин айтымында, ИИМдин жогорку жетекчилеринин айлык акысы 2 миң сомго жакын, ал эми катардагы жетекчилердин маянасы 1157 сомду түзөт. «Бул азыркы шартка жооп бербейт», - деди Бакирдин Субанбеков.
