ХАЙДАРБАД. Өлкөнүн түштүгүндө жайгашкан Андра Прадеш штатынын саламаттык сактоо жетекчилиги алдыдагы күндөрдө ысыктан өлгөндөрдүн саны көбөйүшү мүмкүн экенин эскертет. Өлкөнүн түштүк чөлкөмдөрүндө бир жумадан бери абанын температурасы Цельсий боюнча 50градуска чейин жетүүдө. Синоптиктер Муссон жаан-чачындары башталышы күтүлүп жаткан чөлкөмдөрдө аба ырайы дагы эки күн бою ысык бойдон кала бере турганын айтышат. Өткөн жылы Андра Прадеш штатында ысыктан бир миңден ашык киши каза болгон.
