Кечээ өлкөнүн баш калаасы Пномпендин мечиттеринин биринде "Жемаа Исламия" тобунун үч мүчөсү: тайланддык эки жаран менен Мисирдин жараны камакка алынды. Бийликтер кармалгандардын террордук чабуулдарга даярдык көрүшкөнүн айтышат. Тергөө кызматынын айтымында, аталган топ Ал-Каеда террордук тобу менен тыкыз байланышта болуп, Сауд Арабиядан каржыланып турган. Жакын арада өлкө бийликтери радикал исламчылар менен байланышта турат деп шектелген 50дөй адамды Камбоджадан чыгарып жиберишмекчи.