Жорж Буш менен Жак Ширак, француз президентинин басма сөз катчысы ырастаган маалыматка ылайык, “чоң сегиздиктин” Эвиан шаарындагы саммити аяктар алдында жолугушат. Эки президент өткөн жылдын ноябрынан бери жолугуша элек. Ак үйдүн өкүлү билдиргендей, президент Буш Эвианда бир түнгө гана токтоп өтөт, саммиттин корутунду бөлүктөрүнө катышпайт. АКШ менен Франциянын мамилелери Ирактагы согуштун айынан салкындап кеткен эле.
