БИШКЕК. Кыргызстан укук коргоо кыймылынын төрагасы Турсунбек Акундун апелляциялык арызын Бишкек шаардык соту 2-июнда карайт. Укук коргоочу өз арызында 16-майда ага 1000 сомдук айыппул салган Бишкектин Биринчи Май райондук сотунун чечимин жокко чыгарууну талап кылууда. Райондук сот аны «уруксат берилбеген пикетке чыкты» деп айыппул салган болчу. Турсунбек Акун болсо «мыйзам бузулган эмес» деген пикирде.
