Укук коргоочулар - ооган каталарын Иракта кайталабоого чакырууда

Нью-Йорк шаарында жайгашкан “Хьюман Райтс Вотч” аттуу адам укугун коргоо уюму дүйнөнүн эң өнүккөн мамлекеттеринин жетекчилерине кайрылып, аларды - Ооганстанда орун алган каталарды Иракта кайталабоого чакырды. Уюмдун айтымында, Ооганстанда толук коопсуздук камсыз кылынган эмес, өлкөнү мурда башкарган жетекчилер бийликте калган жана эл аралык укук коргоочуларга өлкөдө эркин иштөөгө мүмкүнчүлүк берилбеген.