Казакстандын парламенти 30-майда Иракка аскерий инженерлерди жиберүүгө макул болду. Коргоо министри Мухтар Алтынбаевдин айтымында, Ирактагы коалициялык күчтөргө жардам берүүнү Казакстандан Америка Кошмо Штаттарынын өкмөтү сураган. Алгач Казакстандан Иракка 25 адистен турган топ жиберилет жана алар жер алдынан суу булактарын издөө менен миналарды зыянсыздаштыруу иштерине катышат.
