Бүгүн ал Краков шаарында президент Александр Квасниевски менен сүйлөшүүлөрдү өткөрөт жана коомчулук алдында сөз сүйлөйт. Буш өз сөзүндө негизинен трансатлантикалык өнөктөштүктү өнүктүрүү маселелерине жана Батыш өлкөлөрү туш келген проблемаларга токтолот. Жергиликтүү телеканалга берген интервьюсунда Буш Польшаны Кошмо Штаттарынын жакын досу жана Евросоюздун мүчөсү боло алат деп билдирди. Польша АКШнын Ирактагы аскери кампаниясына активдүү колдоо билдирген жана эми согуштан кийинки коопсуздук операциясына катышмакчы.
