Ишембиде Сеул шаарына америкалык генерал Леон Лапорт келип, Түштүк Кореяда жайгашкан америкалык аскерлерге келерки үч жылга кошумча 11 миллион доллар бөлүнгөнү тууралуу жарыялады. Генерал Лапорт өлкөнүн коргоо министри Чо Юнг Кил менен жолугуп, Түндүк Корея тараптан чыккан өзөктүк коркунуч маселесин да талкуулады. Азыр Түштүк Кореяда 37 миң америкалык аскер бар жана алардын базасы жакында жаңы жерге которулууга тийиш.
