Уюмдун шаршемби күнкү докладында соңку кездери өлкөдөгү көз карандысыз басылмалар бийликтердин кысымына кабылгандыгы белгиленет. Бүгүн Бишкекте Кыргызстандагы адам укугунун абалына арналган талкууда уюмдун аткаруучу директору Женифер Винздор рейтинги жагынан Кыргызстан эркин эмес деп аталганын билдирди. Винздор айым ошол эле учурда Түркмөнстан менен Өзбекстанга салыштырганда Кыргызстандагы эркиндиктин жалпы абалы кыйла жогору экенин да кошумчалады. Уюмдун аткаруучу директору Кыргызстандын борборуна кечээ келген эле.
