Командачылыктын өкүлү полковник Томас Лоббериндин айтымында, коопсуздукка байланышкан эскертүүлөр күн сайын берилигендиктен, алардын кайсынысы чын, кайсынысы жалган экенинин ажыратуу кыйын эле. Ал белгилегендей, азыр эл аралык аскерлерди жетектеген Германия менен Нидерландиянын террордук чабуулдан улам Ооганстандагы ишин токтотуу ниети жок. Кечээ Кабул шаарында жанкечти айдаган автоунаа немец аскерлери түшүп бара жаткан автобусту сүзө келип жарылганда 4 жоокер мерт болуп, 31и жаракат алган.Немец коргоо министри Петер Штруктун айтымында,террордук чабуулга "Аль-каида" уюмунун катышы бар.
