БИШКЕК. Кыргыз өкмөтү электр жана жылуулук энергиясы боюнча 2003-2006-жылдардагы тариф саясаты жөнүндө токтом кабыл алды. Өкмөттүн басма сөз кызматы тараткан маалыматка караганда, анын максаты - энергетика тармагында өз чыгымын өзү актоо принцибин калыптандыруу жана ишканалардын ички карыздарын басаңдатуу. Андан тышкары чет элдик инвесторлордун энергетика тармагына кызыгуусун арттыруу милдети алдыга коюлду.