БИШКЕК. Адам укуктарын коргоочу «Фридом хауз» эларалык уюму бул күндөрү Ысыккөл облусунда жергиликтүү укук коргоочуларга тренинг өткөрүүдө. Анда адам укугун коргоо уюмдарынын топтогон маалыматтарына анализ жасоо, отчет берүү жана укук коргоо маселелери үйрөтүлүүдө. Ал эми 5-июнда Кыргызстанга келген бул уюмдун аткаруучу директору Женнифер Уинсдор жана RIGHT программасынын координатору Лиза Дейвис 8-июнда Өзбекстанга жөнөп кетишти. Бул тууралуу дүйшөмбү күнү «Фридом хауздун» Бишкектеги өкүлчүлүгүнөн кабарлашты.
