БИШКЕК. 11-19-июнь күндөрү Казакстандын Алматы шаарында КМШ мамлекеттеринин Куралдуу күчтөрүнүн IV Спартакиадасы болот. Кыргызстандын Коргоо министрлигинен алынган бүгүнкү маалыматка караганда, анда Кыргызстандын 10 жоокерден турган командасы эркин күрөш, бокс жана атуу боюнча мелдешке катышат. КМШ мамлекеттеринин аскерлеринин I Спартакиадасы 2000-жылы Санкт-Петербург шаарында болгон жана Кыргызстандын командасы анда 12 медаль утуп алган.
